Sesenin gündəliyi

Qabriel Qarsiya Markeslə açılan səhər

Şənbə sübh çağıdır. Pəncərəmdən görünən qarşıdakı yaşayış binasına günəş şüalarını üfürməkdədir. Üfürülən günəş şüaları pəncərələrdən içəri keçərək insanların qəlbinə yayılır, mürgüləyənlər günəş sığalı ilə oyanırlar.

Bakını xatırlayıram. Adətən yaz aylarında hər şənbə səhərlər erkəndən durub, səhər yeməyi üçün tələb olunan nəsnələri (əlbəttə, əsas da isti təndir çörəyi) və bir neçə qəzeti alır, evə qayıdardım. Ləzzətli yeməkdən sonra isə başlardım mütaliəyə.

Bugün də həmin xatirələri canlı oyatmaq istəyi içimdə baş qaldırdı. Bilgisayar önünə keçib, saytları gözdən keçirdim. Görünüş keyfiyyəti ilə olub-olan bütün ədəbiyyat saytlarını arxada qoymuş Lit.az-da Qabriel Qarsiya Markesin "Lənətə gələsən, Kafka" adlı müsahibəsinə rast gəldim. Cavid Cəfərzadənin tərcüməsində verilən söhbət olduqca maraqlı və gözəl çevrilmişdi. Müsahibənin bir neçə maraqlı yerinə nəzər yetirməyə dəyər. Markes həyatında baş vermiş iki maraqlı əhvalatı danışır:

"Facultet" - yeni nəslin yeni ədəbiyyatı

Ara-sıra dost-tanışa nəsə bir maraqlı şey danışmağa başlayanda ilk cümləm kitab mağazasına getməyim haqqında olur. Doğrudan da, kitab mağazalarına baş çəkib, hətta bir şey almasan belə, orada sərf edilən vaxtın müqabilində həmin an və ya gələcəkdə nəyisə öyrənmək üçün yaxşı zəmin yaranmış olur. Ola bilsin, bu, heç də hər kəsə şamil edilə bilməz. Ən azından ona görə ki, mən yaxşı görmə yaddaşımla öyünə bilirəm.

Bir neçə dəfə mərkəzi kitab mağazalarında dostumla gəzişərkən o, mənə Rusiyada təşkil olunan mötəbər ədəbi müsabiqələrin qaliblərinin və ya qısa-siyahıya düşməyi bacarmış iştirakçıların kitablarını göstərdi. Doğrudan da, hər kitabın üzərində müəllifin filan müsabiqədə filan yeri tutmağı haqqında qeydlər vardı. Bu kitabların arasında gözüm “Facultet” adlı bir kitaba sataşmışdı. Amma onunla maraqlanmamışdım.

Yeni bir avaz gəlib, Novruz gəlib, yaz gəlib...

Novruz bayramı da gəldi, getdi. Keçən ilkilərə nisbətən qürbətdə bir az da olsa Novruz havasını duymağa müvəffəq oldum. Əslində, gözlədiyimin əksinə olaraq, hər şey çox sadə imiş. Eynilə vətəndəki kimi alınsın deyə, iki-üç nəfər soydaşı evə dəvət etmək, masanı müxtəlif təamlarla doldurmaq (plovun olması mütləqdir), başa bir neçə meyvə suyu və bir şərab şüşəsi qoymaq kifayətdir.

Salam, gəl, dost olaq!!!

Mən hələ Azeribloq məkanına ayaq basmamışdan burada gedən bəzi yazışmalara gözucu nəzər salmışdım. Doğrusu, o qədər də cəlbedici deyildi, amma - "hər halda, pis də olsa, bizim milli bloqdur, inkişafına bir töhvə verək" – deyə tez-tez düşünürdüm.

Bu bloq saytının natamam imkanları və əskikləri məni çox narazı salmışdı. Məsələn, istənilən adam, istənilən qeydiyyatlı istifadəçinin adından şərh göndərə bilər.

Bu, çox təhlükəli şeydir və fəsadları da qabaqcadan duyulur.

Peterburq səfəri

Dünən bir günlüyə dostumla Peterburqa səfər etdik. Səfərimizin çox az müddət əhatə etməsinə baxmayaraq, hələ qabaqcadan maraqlı və şad anlar bəxş edəcəyini anlamaq çətin deyildi. Mən şimal paytaxtına birinci və axırıncı dəfə ötən ilin may ayında getmişdim. O zaman belə bir fikrə gəlmişdim ki, Peterburq Moskva, İstanbul, Odessa, Bakıdan daha gözəl şəhərdir.

«Virtual Azərbaycan»

İki ildən sonra «Virtual Azərbaycan» layihəsi həyata keçirilə bilər. Azərbaycan Rabitə və İnformasiya Texnologiyaları Nazirliyindən «APA-ECONOMICS»ə verilən məlumata görə, hələ ideya formasında olan bu layihənin məqsədi dünyada yaşayan bütün azərbaycanlıları virtual aləmdə birləşdirməkdir.

Əminə yoxsa, Banu?

Mənim bir sevgilim var. Adı Əminədir. O, çox sevimli və mehriban bir insandır. Çox vaxt onunla həftədə bir-iki dəfə görüşürəm. Hər görüşümüzdə o, məni incidir, küsüşürük. Amma tezliklə barışırıq. Bir az şıltaqlığı var.

Çox nazlanır. Məni həmişə imtahana çəkir. İstəyirəm, bütün həyatım boyu o, mənim yanımda olsun, həyatın sevincini və qəmini bir yaşıyaq, çətinliklərə qarşı bir vuruşaq.

Başlıq və ya dəvə südü

Söhbətin əvvəlində, gərək ki, belə bir sual olar. Bloq xeyir ola? Nə bilim, xeyirdi, inşallah. Gözüqıyıq asiyalı dostum vətənindən butulkada dəvə südü gətirmişdi. Çoxdandır dadına baxmaq istəyirdim. Butulkanın ağzını açanda gördüm ki, südün həcmi get-gedə artır. Dedim:


- Ay dost, bu nədir belə, süd çoxalır?